Адам Глобус (adam_hlobus) wrote,
Адам Глобус
adam_hlobus

2018. Лана і ногі

Лана – жанчына. Няма сумневаў у яе выразнай полавай прыналежнасці. Яна і дзіця нарадзіла, сына Тодара. Валасы на галаве ў Ланы доўгія, да плячэй. Праўда, я ніколі не бачыў яе ў сукенцы. Нагавіцы і джынсы. Спадніцы і сукенкі Лана не носіць. Яна і шорты не носіць. Але аднаго разу ў спякотныя да пякельнасці дні панасіла і нават сфатаграфавалася ў блакітных шорціках, седзячы на ровары. Вось тады я і заўважыў дзівосную штуку, якую прырода зрабіла з Ланай. Прырода падаравала жанчыне мужчынскія ногі з гузакаватымі каленьмі, валасатымі лыткамі ды доўгімі гнуткімі ступакамі. Лана жанчына з мужчынскімі нагамі. На тых мужчынскіх нагах Лана і пайшла ў фемінізм. Яе нават сталі называць галоўнай беларускай феміністкай. Гэта смешна, калі да цябе яшчэ не дайшло. Быць галоўнай феміністкай так жа-ж смешна, як лічыцца галоўнай беларускай камуністкай ці галоўнай беларускай піянеркай, якая крала мамін станік на прымерку. Ды чорт з ім, з гэтым скрадзеным у мамы станікам. І палітперакананні Ланы, гэтай дробнай прадпрыймальніцы, мяне мала хвалююць. Мяне дзівіць прырода яе цела. Не так і шмат у нас жанчын на мужчынскіх нагах. Але ж і такія трапляюцца, як трапляюцца сярод нас і хлопчыкі з дзявочымі ручкамі.
Tags: сУчаснікі-2
Subscribe

  • (no subject)

    2018. Шура і кнігі У Шуры захапленне – купляць і чытаць кнігі. Падабаецца чалавеку чытаць уласныя кнігі, а не бібліятэчныя і чужыя. Купляе цэлымі…

  • (no subject)

    2010. Міколка і слінка “Вось буду я на гэтую мутату яшчэ і сваю слінку траціць...” – хмыкае Міколка. І не траціць, і не перажывае, і не…

  • (no subject)

    2018. Віктар і любоў На выставе вясковай мастачкі Алены Кіш сутыкаюся з мастацтваведам у цывільным – Віктарам. Ён, замест таго каб даць ветлівае…

  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 0 comments