Адам Глобус -

Адам Глобус -

Адам Глобус

[	website	\|	РОЗНАЕ	]
[	userinfo	\|	livejournal userinfo	]
[	archive	\|	journal archive	]

[Feb. 23rd, 2008|11:43 pm]

[

Tags

сУчаснікі

]

z 2008. Юрась і крэсла

У букіністычнай краме, што на праспекце Незалежнасці, з год назад для чытачоў паставілі крэсла. Цяперака той, хто прытаміўся, можа пагартаць кнігу седзячы. Але гэта толькі гепатэтычна ты можаш прысесці; бо тое крэсла, зазвычай, займае чарнабароды вар’ят. Так кнігарня займела свайго заўсёднага чытача. Цяперака, мне нават з цяжкасцю ўяўляецца тая крама без сагнутага над тэкстам чорнагаловага шаленца. А тут раптам замест цёмнай і каротка пастрыжанай галавы, я пабачыў галаву безнадзейна-белую і сівабародую. Юрася Сутуліна я пазнаў неадразу, а калі і прызнаў, дык не стаў перарываць ягонае захапленне старымі альбомамі па мастацтву. Разам з Сутуліным я некалі займаўся ў мастацкай вучэльні. Зараз ён выглядае такім нямоглым і старым, што нават вар’ят саступіў яму сваё крэсла. Мне зрабілася так шкада Сутуліна і сябе, што я хутка сышоў з прапыленай букіністычнай крамы на свежае паветра.

Link

Comments: