?

Log in

ЗАНАТОЎКІ МАСТАКА [entries|archive|friends|userinfo]
Адам Глобус

[ website | Facebook-hlobus ]
[ userinfo | livejournal userinfo ]
[ archive | journal archive ]

(бяз тэмы) [Врс. 26, 2016|10:16 am]
Адам Глобус
[Tags|]

*

Салодкі і смачны кавун можа на цэлую ноч ператварыць чалавека ў вадаспад...
СпасылкаПракамэнтаваць

(бяз тэмы) [Врс. 25, 2016|09:16 pm]
Адам Глобус
[Tags|]

Адам Глобус "Вечаровае святло ў старым Мінску" 2016 год. Папера, акрыл 21х30 см.

minsk-2509016.jpg
СпасылкаПракамэнтаваць

(бяз тэмы) [Врс. 25, 2016|07:21 pm]
Адам Глобус
[Tags|]

2016. Кузняцоў і рускія вычварэнствы

Паэт Кузняцоў самы рускі сярод рускіх. Ён больш рускі за Рубцова і Трапкіна. Таму можна ўсе апісаныя ім вычварэнні лічыць праўдзіва расейскімі, а не азіяцкімі ці агульнаславянскімі.
Пачну з эрачычна-парнаграфічнага вычварэнства…

В это лоно ты крикнул: «люблю!» –
«Улю-лю!» – ты услышал оттуда.

Можна было б спыніцца і напісаць пародыю пра крыклівыя размовы з похвай, але я не стану спыняцца, рушу далей, пайду да наступнага вычварэнства, якое Кузняцоў прыпісвае ляхам-лівонцам-татарам…

– Зреть сына хочу перед смертию я!
– Твой сын не родился, но воля твоя.
Эй, ляхи-ливонцы!
Вы скорые слуги. Зовите народ!
Из тяжкой боярыни вырежьте плод.
Доспеет на солнце.

На такое вычварэнства нават пародыю не напішаш, бо сумна робицца, калі чытаеш падобнае. Не смешна чытаць і пра наступнае педагагічнае вычварэнне…

Пришли домой, схватил отец ремень,
Стал сына бить так, что летели клочья:
– Я бью, чтоб ты запомнил этот день,
Когда увидел Сталина воочью!

Гэта далёка не ўсе вычварэнні выкаваныя паэтам Кузняцовым, адным з самых выбітных рускамоўных паэтаў сучаснасці. Вычварэнняў у яго шмат. Можа я дарэмна пераймаюся гэтай брыдою? Пісалася чалавеку такое, і хай сабе. Не! Не дарэмна я гэта перапісваю і паказваю іншым. Менавіта вучань Кузняцова, паэт Яндарбіяў кіраваў прылюдным забойствам сваіх чачэнцаў на плошчы ў Грозным.
Між іншым, Кузняцоў не толькі пісаў пра вычварэнні. Ён яшчэ шмат перакладаў. Перакладаў прэзідэнта Яндарбіява, перакладаў кандыдата на прэзідэнства Някляева…
Калі казаць пра самае знакамітае вычварэнне Кузняцова, дык яно такое:

Я пил из черепа отца
За правду на земле,
За сказку русского лица
И верный путь во мгле.

Піў і не захлынуўся, што засмучае.
СпасылкаПракамэнтаваць

(бяз тэмы) [Врс. 25, 2016|06:18 pm]
Адам Глобус
[Tags|]

2016-1988. Барадулін і парады

Ёсць людзі, з якімі ў мяне заўжды ўзнікаюць праблемы. Адзін з іх – Рыгор Барадулін. Як сутыкаўся з ім, так і з'яўлялася праблема. Напрыклад, Барадулін даваў параду:

Ступай па знаёмых,
Cябрах,
Як па трапу,
Угору дзярыся
Упарты, стараны.
Дзе трэба, пацісні дагодліва лапу,
Зрабіся такім,
Хоць прыкладвай да раны.

Ад такой парады мой твар крывіўся. Адразу было відаць, што не паслухаюся я барадатага Рыгора. Ён бачыў пагардлівую скрыўленасць, але не супыняўся і працягваў вучыць:

Нічым ты не грэбуй,
Як трэба – пад рэбры
Давай, каб не змог
Твой апомніцца вораг.
На новым этапе
Ўжо новы патрэбны
Дружбак, што расцісне
Зласліўца на твораг.

Я сыходзіў, бо разумеў: не супыніцца Барадулін з падобнымі парадамі, будзе вучыць і вучыць. Хай сабе вучыць іншых, але не мяне. Абыдуся. Хапала ў мяне настаўнікаў і без Барадуліна.
СпасылкаПракамэнтаваць

(бяз тэмы) [Врс. 25, 2016|10:32 am]
Адам Глобус
[Tags|]

*

Салодкі і смачны кавун можа ператварыць чалавека ў вадаспад...
СпасылкаПракамэнтаваць

(бяз тэмы) [Врс. 25, 2016|09:40 am]
Адам Глобус
[Tags|]

Спарон і порна

Палякі вядуць кампанію каб забараніць спароны, рускія пачалі блакаванні порна-сайтаў. Паводзіны рускіх моцна нагадваюць паводзіны палякаў, як і паводзіны палякаў цяпер рыхтык паводзіны рускіх. Падабенства робіцца відавочным на былых нямецкіх землях, у Калінінградзе і ва Ўроцлаве, дзе царуюць неахайнасць і бруд. Цяпер можна без каліва сумневаў казаць, што Польшча хварэе на цемрашальскую версію каталіцызму, як Расея моцна хворая на непрасветлены варыянт праваслаўя. Спробы забараніць спарон, як і захады да забароны парнаграфіі, гавораць пра тое, што польская дзяржава, як і дзяржава Расейская, у дадзены момант слабыя. Замест разумных і цывілізаваных паводзінаў, абедзьве гэтыя дзяржавы сталі на шлях забабоннай дуроты. Ахвярамі гэтых забаронных дуротаў стануць, як і заўсёды ў падобных выпадках, найменш абароненыя людзі – юнакі і жанчыны.
Спасылка2 камэнтара|Пракамэнтаваць

(бяз тэмы) [Врс. 24, 2016|11:22 am]
Адам Глобус
[Tags|]

*

Вера пабойваецца праверкі...
СпасылкаПракамэнтаваць

(бяз тэмы) [Врс. 24, 2016|11:02 am]
Адам Глобус
[Tags|]

*

Хрысціянства цяжка прымаць як веру, бо яно ачалавечыла, лічы матэрыялізавала, аблічча Бога…
СпасылкаПракамэнтаваць

(бяз тэмы) [Врс. 23, 2016|10:44 am]
Адам Глобус
[Tags|, ]

Адам Глобус "Размова ў старым Мінску" 2016 год. Папера, акрыл 21х30 см.

minsk-2109016-1.jpg
Спасылка4 камэнтара|Пракамэнтаваць

(бяз тэмы) [Врс. 23, 2016|10:41 am]
Адам Глобус
[Tags|]

2016-1964. Ян і бакенбарды

У нашай сям’і, як і большасці іншых, малодшыя глядзелі на старэйшый і вучыліся ў іх. Хлопчыкі спасцігалі навуку галення, пераймаючы вопыт мужчын. Мае дзяды і дзядзькі, як і бацька, дарэчы, не насілі ні вусоў, ні бародаў, ні бакенбардаў. Вусікі і бачкі з бародкамі лічыліся ў нас прыкметамі чужынцаў, а яшчэ яны былі сімваламі хваробы і паразы. Чорныя вусікі і доўгія бакі нейкі час былі на твары ў майго дзядзькі Яна. Ён вярнуўся з флоту, на ім быў чорны бушлат, вусы і бакенбарды. Ян вярнуўся дамоў паміраць. Ён служыў на кацеры, які падвозіў паліва падводным чаўнам. Кацер трапіў у шторм, нешта там зламалася, нешта трэснула, нешта працякло. Ян атрымаў вялікую дозу радыяцыі. Яго спісалі на бераг і выправілі дамоў. Тым разам дзядзька Ян не памёр, бо ягонае здароўе паправіў вядзьмак. Вылекаваў простай вадой са свайго калодзежа. Ян выпіў загаворанай вады, паляжаў нерухома гадзіну і паправіўся. Пасля нечаканай папраўкі ён згаліў вусы і бакенбарды, ды зноў стаў нашым чалавекам.
СпасылкаПракамэнтаваць

(бяз тэмы) [Врс. 22, 2016|10:40 am]
Адам Глобус
[Tags|]

*

Смешна выглядае твар чалавека, які спрабуе пераканаўча расказаць публіцы пра сваю веру ў сур’ёзных людзей і сур’ёзных мысляроў...
СпасылкаПракамэнтаваць

(бяз тэмы) [Врс. 21, 2016|07:19 pm]
Адам Глобус
[Tags|]

Адам Глобус "У Бога ўсё гатова… Партрэт бацькі за тыдзень да смерці" 2016 год. Папера, акрыл 30х21 см.

tata-21092016.jpg
СпасылкаПракамэнтаваць

(бяз тэмы) [Врс. 21, 2016|10:34 am]
Адам Глобус
[Tags|]

Перфоманс у саборы

У часы вялікай Французскай рэвалюцыі, акрамя руйнавання турмы пад назвай Бастылія, у Парыжы адбывалася шмат чаго цікавага. Напрыклад: быў абвешчаны культ розуму. Ролю разумнасці выконвала акторка, якую паставілі ў галоўны алтар Сабора Парыжскай Божай маці. Каб у той акторкі было на рука яшчэ і яе малалетняе дзіця, я б цалкам прыняў падобны перфоманс.
СпасылкаПракамэнтаваць

(бяз тэмы) [Врс. 21, 2016|09:28 am]
Адам Глобус
[Tags|]

*

Стос летніх кашуль
кладу ў дальні кут шафы,
холад і дажджы...
СпасылкаПракамэнтаваць

(бяз тэмы) [Врс. 20, 2016|10:28 pm]
Адам Глобус
[Tags|]

2016. Доктар Скіба і хулахуп

Да мяне ў майстэрню прыехаў з універсітэта імя Фрыдрыха Шылера, што ў Ене, доктар Дзірк Скіба. Спадар Скіба намерыўся зрабіць у Мінску шэраг фотапартрэтаў з тутэйшых пісьменнікаў. У маёй студыі яго зацікавіў чырвоны хулахуп. Доктар папытаўся, ці ўмею я круціць на таліі пластыкавы абруч. Я неабачліва сказаў, што ўмею; і давялося круціць чортаў хулахуп, пакуль Скіба мяне здымаў. З першага разу ў яго не атрымалася, як не атрымалася з другога і трэцяга. Толькі пасля трэцяй спробы шаноўны Дзірк прызнаўся, што яшчэ не навучыўся як след фатаграфаваць спартоўцаў. Наступныя пятнаццаць хвілінаў я прымаў розныя позы з нерухомым хулахупам у руках. Пасля чаго доктар спытаў, ці ёсць у мяне фота з хулахупам. Я сказаў, што няма. Спадар Скіба паабяцаў у хуткім часе зрабіць і прыслаць мой партрэт з чырвоным абручам.
СпасылкаПракамэнтаваць

(бяз тэмы) [Врс. 20, 2016|06:37 pm]
Адам Глобус
[Tags|]

Гарэцкі і шалёны поспех

У сувязі з тым, што спектакль паводле аповесці Максіма Гарэцкага “Дзве душы” карыстаецца ў гледачоў шалёным поспехам, калектыў тэатра прыняў рашэнне зрабіць яшчэ “Тры душы”, “Чатыры душы” і “Пяць душ”.
СпасылкаПракамэнтаваць

(бяз тэмы) [Врс. 20, 2016|10:41 am]
Адам Глобус
[Tags|]

Пікаса і міфы

Мінатаўр быў адным з улюбёных герояў Пабла Пікаса. Не аднойчы Пікаса казаў, што Мінатаўр – гэта ён сам. Чалавек з галавою быка паўстае на малюнках Пікаса ў самых розных ролях і самых нечаканых сюжэтах: на карыдзе, у майстэрні мастака разам з натуршыцай, на марскім пляжы, у сцэнах гвалту... Шмат хто не ўспрымае і не прымае такога атаясамлівання мастака з героям, а выказванні Пікаса трактуе як звычайны жарт. Я схільны паверыць вялікаму мастаку, бо і сам у розных ступенях люблю атаясамлівацца з героямі, якіх малюю. Для мяне з самых розных міфалагічных герояў найбліжэйшы біблійны Адам, і не толькі Адам з каханай Еваю, а і Адам хлопчык – Адамчык, які любіць бацькоўскі свет і адорвае рэчы імёнамі.
СпасылкаПракамэнтаваць

(бяз тэмы) [Врс. 20, 2016|09:25 am]
Адам Глобус
[Tags|]

*

Музей для мастакоў, як бібліятэка для пісьменнікаў, як сабор для вернікаў...
СпасылкаПракамэнтаваць

(бяз тэмы) [Врс. 19, 2016|10:37 am]
Адам Глобус
[Tags|]

Адам Глобус "Рыбка плыве..." 2016 год. Палатно, алей 18х24 см.

ihs-1809016.jpg
СпасылкаПракамэнтаваць

(бяз тэмы) [Врс. 19, 2016|10:31 am]
Адам Глобус
[Tags|]

1966. Маня і святы дзень

Баба Маня Кісель верыла ў Бога, а таму працу ў нядзелю лічыла за грэх. Яна сварылася на ўнукаў, калі яны пачыналі нешта рабіць у нядзельную раніцу. “У дзень святы трэба адпачываць,” – злосна казала баба Маня. “Сама чаму працуеш? Ты і свіням бульбы наварыла. Ты і нам сняданак гатавала. Ты і посуд за ўсімі памыла... Хіба табе можна ў святы дзень працаваць?” – пытаўся ў Мані малодшы ўнук Толік. “Старая я, таму мне можна крыху папрацаваць і ў святы дзень”.
СпасылкаПракамэнтаваць

navigation
[ viewing | most recent entries ]
[ go | earlier ]